Home Made Hair Oil for Hair Growth in hindi
Namaskaar doston svaagat hai aapaka thesolution4u mein phir ek naye blog ke saath jisme ham janege best home made hair oil for hair growth in hindi jo 100% organic hair oil hoga.
Dosto hamaare baal jab jhadna shuroo hote hain to shuruaat mein yah itne jyaada nahin jhadte aur ham ise ek aam baat samaj ke najar andaaj kar dete hain. Lekin baalon ka girna samay ke saath-saath badhta chala jaata hai aur kuch hi mahino mein yah duganee raftaar pakad leta hai jiski vajah pehle ke mukabale hamaare sar par baal kam ho jaate hain aur patle bhi dikhaee dene lagate hain. Alag alag logo me baalon ke jhadne ki vajah bhi alag-alag hoti hai, lekin umar se pahle baalon ka jhadna aur ganjapan aa jaana aaj ke samay mein ek bahut hi comman problem ban chuki hai.
Aksar tarah tarah ke prayaso ke baad bhi jab hamen koi achchhe result nahin milte hain to ham is samasya ke samne haar maan lete hain aur bajar mein milne vaali alag alag chijo ka istemaal karne se hamare baalon ki haalat aur jyada kharab hoti jati hai.
Nuskhon ki baat ate hai to balon ke jhadne ke vishay mein bahut kam cheeje hoti hain jinke istemaal se vakehi mein fark najar aata hai. Kyon ki kai baar upaay pata hone ke bavjood bhi use istemaal karane ka sahi tarika nahin pata hone ki vajah se hame use upay se achchhe parinam nahin mil paate hain.
is blog par ant tak bane rahe or pura pade halaki blog thoda lamba ho sakta he kyo ki aaj ke is blog me ham jaanege gharpe hi asani se banaye jane wale best home made hair oil for hair growth in hindi jo puri tarah se organic hair oil rahega or jaanenge baalon ka jhadna aur ganjepan ko hamesha ke liye khatam karne ke kuch bahut hi aasan aur asardaar gharelu nuskhe jinke rojana istemal se aapko shuruat ke saat dino mein hi baalon ke girne ki samasya mein ek kamal ka fark najar aaega aur jhade huye baal bhi dheere-dheere dobara hone lagenge.
To chaliye baat karte hain
Ise banaane ke liye hame jaroorat hogi.
Castor oil yani ki arandi ka oil.
Gudahal ke phool aur patte(Hibiscus). aur
Cypress oil ya thuja oil
Thuja ko mor pankhi aur vidya ke ped ke naam se bhi jaana jaata hai. Normally log ise apne ghar mein hi ugate hain aur garden vagera jaisi jagah par bhi yah aasani se dekha ja sakta hai. Agar apko iska oil nahin milta hai to uski jagah aap iski pattiyaan ka bhi istemal kar sakte hain. Lekin achchhe result ke liye iske oil ka hi istemal karen. Cypress oil aur thuja oil apne aap mein ek chamatkari aushadhi hai.
Baalon se lekar tvacha, nason aur shareer mein lagbhag chalis se adhik beemariyon ko puri tarah se theek karane ke liye yah bahut upyogi hota hai. Baalon par iska istemal karne se. Yah hamare scalp mein blood circulation ko badhata hai aur baalon ki pakad ko majbut karke jhade huye baalon ko bhi dobara uga deta hai.
Upar diye gaye samagri ko online amazon se purchase karne ke liye niche diye gaye link se kharid sakte he
How to Make Home Made Hair Oil for Hair Growth in Hindi
Is nuskhe ko banana ke liye sabase pahale 2 gudhal ke phool (Hibiscus) or 2 gudhal ki pattiyon ke haathon ki sahayta se barik tukde kar le aur phir inhen lagbhag 100 se 150ML arandee ke tel mein daalkar ise 6 se 7 din ke liye kisi kaanch ke jaar mein bhar ke dhoop mein rakh den. Dhoop mein rakhne se gudhal mein maujood saare poshak tatv tel mein puri tarah mil jaate hain.
Lekin agar aap is pakriya ko aur jaldi karna chahte he to phoolon ko tel mein milane se pehle arandi ke tel ko halka garam kar le. 6 se 7 din is tel ko dhoop mein rakhne ke baad is taiyaar tel mein lagbhag 15 ml cypress ya thuja oil ko milaakar saari cheejon ko aapas mein achchhee tarah se mix kar len. Is tarah se yah best home made hair oil for hair growth taiyaar ho jayega.
How to Store Homemade Hair Oil
Taiyaar ho jane ke baad bhi oil me se gudhal phoolon aur pattiyon ko na nikale aur is tel ko kisi kaanch ki bottel mein hi bhar kar rakhen. Agar aapko gudahal ke phool nahin milte hain to uski jagah aap isme ek 100ml gudahal ka tel bhi mila sakate hain. Gudhal ka tel aapko kisi bhi aayurvedik ki dukan par kam damo mein hi aasani se mil jaaega. Gudahal patle ho chuke baalon ko mota banata he aur saath hi baalon ki jadon ko majboot karke hair growth ko dugni raftaar se badhata hai.
How to use Oil for Hair Growth
Is tel ka istemal karne ke liye kuch boonde apne hathon mein lekar ungali ki sahayta se apne scalp yani ki baalon ki jadon mein lagaye aur uske baad lagbhag 10 se 15 minutes tak halke hathon se massage karen.
Oil ki matra baalon ke hisaab se hi hona chaahie. Bahot jyaada matra hone par iska asar ulta bhi ho sakata hai. Massage karte time dhyaan rahe ki baalon mein bahut halke haathon sehi massage kare. Jyada jor na lagaye kyonki jhad rahe baalon ki jade kamjor hoti hai jisaki vajah se thode se khinchaav se bhi baal toot sakate hain. Is oil ka istemaal jab bhi aap apane baalon ko dhoye usake 2 ghante pahle karen aur agar aap chaahe to ise raat bhar ke liye apane baalon par bhi laga rahne de sakate hain.
Lekin agar aap ise raat bhar ke liye apane baalon par hi lagakar chhodte hain to aisi stithi mein oil ki matra bahut kam honi chahiye. Jyaada oil raat bhar ke liye baalon par lagakar nahin chhoda ja sakata. Is tarah se is oil ka istemal karne se 6 se 7 use ke baad hi aapko aapke jhad rahe baalo ki samasya mein ek kamal ka fark najar aaega aur dheere-dheere aap apne sar par naye baalon ko ugta hua bhi dekh payenge.
Koi bhi bahar se kiya hua nuskha tab tak puri tarah adhoora hota hai jab tak uske saath kuchh aise nuskhe ko bhi joda jaye jo ki hamare sharir mein andaroni tarah se asar dikhaye. Isliye is oil ka istemal karte samay rojana doodh aur dry fruit ka jyada sevan kare aur hafte mein 2 se 3 baar dahi, palak aur ande jaisi chijon ka jyada sevan kare. In sabhi khane jaye vali chijo me baalon ki growth ko badhane vaale poshaak tatv jaise ki vitamin B, iron aur protein ki matra adhik hoti hai isliye inka sevan karne se balon ki growth andhroni roop se badhti hai.
Iske alava agar aapake baal ek lambe samay se jhad rahe hain to apani diet mein ek chammach flex seed yani ki alsi ke beej aur do chammach kaddu ke beejon ko jaroor shaamil karen. kaddoo aur alsi ke beejon mein vitamins, minerals, fibers aur fatty acid ki matra adhik hoti hai. Is liye baalon ka jhadna rokne aur naye baalon ko ugane ke liye yah bajar mein milne vaali davaiyaan ki tarah kam karati hai.
Jo log ganjepan aur alopecia jaisi bimari se pareshan hain unhe in donon hi beejon ka jaroor sevan karna chahiye. Baalon ka jhadna kam samay mein hi rokne ke liye rojana raat ko sone se pehle ek chammach ashvagandha ko halke garm pani ya doodh ke saath milakar piye.
Ashvagandha hamare shareer mein baalon ki growth ko badhane vale hormone ko active karta hai jisse ki jhad chuke baal bhi dobara ugna shuroo ho jaate hain. Achchhe parinaam ke liye koshish kare ki bataye gaye oil ke saath in sari cheejo ko bhi apane diet mein jaroor shaamil karen. Lekin khaye jaane vali kisi bhi cheej ka hamare sharir par puri tarah asar tabhi hota hai, jab ki hamaare khaan-paan se judi hui aadate bhi sahi ho.
Isliye koshish kare ki jyada maida se bani hui ya bahar milne vali tali huyi chijon ka kam se kam sevan karen. Maide ke andar glooten ki matra adhik hoti hai jo ki bhojan mein maujood poshak tatv ko puri tarah hamaare shareer mein jaane hi nahin deti. Agar aapke baal lagatar jhad rahe hain to aapako caffeine aur nikotin vali cheej apni life se puri tarah hata deni chahiye. Iske liye chai, Coffee, sharaab, tobacco aur cigarette jaisi chijon ka sevan bilkul bhi na karen.
Jo log jyaada matra mein meethi cheejon ka sevan karte hain unhen bhi baalon ki girne ki samasya se chhutkaara paane mein bahut jyaada samay lagata hai, isliye agar aap jyaada meetha khaate hain to meethi chijon ka sevan dheere-dheere kam karne ki koshish karen. Kaha jaata ki hamari tvacha aur baalon se judi hui har tarah ki samasya ki shuruat hamare pet se hi hoti hai. Isliye pet hamesha saaf hona bahut jaroori hai.
agar aapka pet saaf nahi hota he ya apko aksar acidity ya kabj ki sikayat rehti hai to aise mein baalon ka jhadana dugani raftaar pakad leta hai. Is liye is samasya ko jad se khatm karne ke liye hame apne pet ko thanda aur saaf rakhna bhi bahut jaroori hai.
Aaj ke is blog mein bataye gaye oil ke istemaal ke sath sath agar aap khaye jaane vali chijon ka bhi niyamit roop se sevan karte hain to keval tabi aapko is nuskhe se achchhe parinaam prapt honge aur uske sath hi batayi gai savadhaniyo ka dhyan rakhna bhi bahut jaroori hai, nahi to kiye gaye sare hi nuskhe puri tarah beasar ho sakte hain.
Agar aap isi prakar ke puri tarah se organic or home made shampoo and Hair serum ghar pe hi banake use karna chahte he to pichhle diye gaye blog me hmane puri prakriya batayi he.
Isi ke sath umid karta hoon ki aaj ke is home made hair oil for hair growth in hindi blog aapake jeevan mein bahut hi kargar siddh ho. Comment kijiye agar aapki koi raay ya phir koi savaal ho aur share keejiye un logon se jinhe iski jaroorat hai
Dhanyavaad