Best Homemade Hair Serum for Hair Growth
Namaskaar doston svaagat hai aapaka thesolution4u me phir ek naye blog ke saath
doston aaj hum jaanenge ghar par hi aasani se best homemade hair serum for hair growth kaise banaaya jae jo 100 % natural hair serum hoga. Jisase ki baalon ka din ke samay bhee khyaal rakha ja sake.
Baal chaahe chhote ho ya phir lambe har vyakti chahata hai ki usake baal hamesha soft silki aur sulajhe hue bane rahen. Kyonki jab baal jyaada sakht hote hain to unhen sulajhaana bhi mushkil ho jaata hai, aur saath hi baalon ko straight aur silki banaane ke liye un par tarah-tarah ke product aur machine ke istemaal se baal sukhe aur bejaan ho jaate hain, kuch logon ke baal janm se hi thode ghunghraale hote hain, lekin jyadatar logon mein baalon ka thik tarah se khyaal na rakhane ki vajah se unamen frizziness aur dryness aa jaatee hai.
Is vajah se har baar baalon ko sulajhaana aur baalon ko kisi bhi tarah se jamana ek bahut hi pareshani vala kaam ban jata hai aur aisi situation mein baalon ka jhadna, baalon ka patala hona, do muhe baal hone ke saath-saath baalon ke safed hone ki samasya bhi hone lag jati hai.
Isalie aaj ke is blog me in sabhi tarah ki samasyaon ke samadhan ke liye ham janenge kuch bahut hi asani se banaye ja sakane vale homemade hair serum for hair growth ke baare mein, jo ki aapake baalon ko naram, sulajha hua aur straight banayenge aur inke niyamit istemal se baalon ke jhadne aur patale hone ki samasya bhi hamesha hamesha ke liye khatam ho jayegi.
To chaliye jante hain how to made homemade hair serum for hair growth in Hindi with 100 % natural hair serum.
Isye banane ke liye hame jaroorat hogi,
- Jasmin yaani ki chameli ke phool,
- Coconut oil,
- Aloe Vera jell,
- Olive oil yaani ki jaitoon ka tel aur
- vitamin e capsule.
Is serum ko banane ke liye upyog me aane wale sare ingredient aapko market me aasani se mil jayege or amazon se kharidne ke liye niche diye gaye amazon link se aap online kharid sakte he.
Is serum mein jaismin sabse main ingredient hai aur yah kisi bhi phool vale ya phir haar vaale ke paas bahut aasaanee se mil jaata hai Jasmin ke andar natural hair conditioner properties payi jaati hai. Yah hamare baalon ki growth ko teji se badhane ke saath-saath baalon ka jhandna aur dandruff dur karane ke liye bhi bahut faydemand hote hain. Isaka rojana istemaal karne se baalon ke ulajhne ki samasya dur hoti hai aur baalon ke andar ek prakritik chamak bhi aa jaati hai.
How to Make hair serum at home naturally (100 % natural hair serum)
Ise banane ke liye sabse pehle chameli ke phoolon ko thande paani se achchhi tarah dho len, taki ismen jami saari gandgi puri tarah nikal jaye. Hamen isme sirf chameli ke phoolon ki pattiya hi chaahiye hogi isliye in phoolon ka nichla vaala hara bhaag alag kar de. Iske baad lagbhag 150 ml mineral water ko boil kare phir jab yah achchhee tarah se ubalne lag jaye tab gas ko band karke isme aadha cup jasmine yani ki chameli ke phool ke patte dalen. Phir uske baad ise 10 se 15 minute ke liye dhak kar thanda hone ke liye chhod de.
Ise dhakna jaruri hai kyonki aisa karne se yah paani mein achchhi tarah infuse ho jaata hai aur iske saare goon paani me puri tarah aa jaate hain.
Iske baad jab yah poori tarah thanda ho jaye to paani me se phoolon ko alag kar le aur us paani ko bhi ek baar kapade ki sahayta se achchhi tarah chhan le. Fir is paani me ek chammach olive oil aur ek chammach naariyal ka tel dalkar lagbhag teen bade chammach aloevera jell milaye. Aloe Vera jell hame isme bajar vala hi use karana hai taki ham ise jyada samay ke liye istemaal kar sake. Phir last mein iske andar 2 vitamin e ki capsule phodkar uska oil milaye. Phir in saari cheejo ko 5 minute tak aapas mein achchhi tarah mix kar le.
aur ise aur achchhe se karne ke liye aap blendar ya fir mixture ki sahayta se bhi ise mila sakate hain. Is tarah se yah hair serum taiyar ho jayega fir.
How to Store it for a long time
Is taiyar serum ko kisi plastic ke container mein ya phir spray bottle mein bhar kar rakh le. Isame hamne mineral water ka use kiya hai, kyonki jab bhi balon ke liye kisi bhi tarah ka hair serum ya phir tel banaya jaata hai tab usme mineral water ka istemaal karana sabse behtar hota hai. Mineral water puri tarah clean aur purified hota hai isliye yah kisi ke bhi baalon par asani se suit ho jaata hai.
How to Use Homemade Hair Serum for Hair Growth
Is taiyar serum ka istemal baalon ko dhone ke baad do baar karna hai ek baar halke geele baalon mein aur dusari baar baal puri tarah sukh jaane ke baad. Agar aapke baal lambe hain to geele baalon mein lagate samay ise ek baar mein hi poore baalon par na lagaye apane baalon ko thode-thode hisson mein baat kar upar se niche ki taraf baalo ko seedha karte huye lagaye.
Is tarah se lagane par baal turant sulajhne lagte hain aur sukhne par yah kaafi mulayam aur straight ho jaate hain, iske baad sukhe hue baalon mein bhi is serum ka istemal isi tarah karna hai, agar aapke baal aksar jyaada rookhe-sookhe rehte hain ya phir aap apne baalon mein adhik chamak chahte hain to isake liye is serum me jaitoon ke tel ki maatra ko badhaya ja sakata hai.
Ismen hamne aloevera jell mix kiya hai, aloevera jell hamare baalon ka ph level balance karta hai jisse baal hamesha hydrate rahate hain aur unme nami bani rehati hai.
saath hi vitamin e baalon ke nourishment ke liye bahut achchha hota hai aur baalon ke jhadne aur do muhe baalon ki samasya mein isse kafee fayda milta hai.
Is serum ko banane ke liye vitamin e oil aur mineral water ka istemaal karne se ise refrigerator mein ek se dedh mahine tak store karke rakha ja sakta hai aur bina fridge ke normal temperature par ise chhe se saat din ke liye hi rakha ja sakta hai. Iska istemal aap hafte mein do se teen baar ya phir rojana bhi kar sakte hain aur saath hi lambe aur chhote dono tarah ke baalon ke liye yah bahut jyaada faaydemand hai.
Iske alava agar aapke baal jyaada jhadte hain to aap isme jaismin ke phoolon ke sath curry patta yaanee ki meetha neem bhi daal sakte hain ya phir sirf meethe neem ke paani se bhi is serum ko banaya ja sakta hai aur isi tarah agar aapke baalon mein dandruff bahut jyada hai to paani ko boil karte samay usme kuchh neemboo ke chhilke aur kadve vaale neem ke patton ko bhee daal sakate hain. Istarah se alag-alag samsyaon ke liye isko alag-alag samagri ke saath milakar din mein lagaya jaane vala ek naya serum taiyaar kiya ja sakata hai.
Isitarah aap natural shampoo bhi gharpe hi banake use kar sakte ho. Jo hamne pichle blog me bataya he pure step by step process ke sath.
Isee ke saath ummeed karta hoon ki aaj ka yah homemade hair serum for hair growth aapke jeevan mein bahut hi kaargar siddh ho, agar aapako yah blog pasand aaya ho, comment kijiye agar aapki koi ray ya phir koi saval ho aur share keejiye un logon se jinhe isaki jaroorat hai.
Dhanyvaad